Privasidat
Bo datonan i bo resultado
Si bo ta partisipá na e skrinen di poblashon, bo ta duna pèrmit pa usa bo datonan i e resultadonan di e investigashon pa e skrinen di poblashon i eventual kuido adishonal na hòspital.
Protekshon di bo datonan personal i privasidat
Pa e skrinen di poblashon nos ta usa un sistema ku ta bon protehá. Solamente persona ku ta outorisá por haña akseso na bo datonan pa ehekutá e skrinen di poblashon. Nos ta tene nos na legislashon pa protekshon di bo privasidat.
Investigashon sientífiko
Tin biaha ta usa bo datonan i e resultadonan di e skrinen di poblashon pa investigashon sientífiko. Importante: den investigashon sientífiko, despues ku a analisá bo datonan, no ta posibel pa konektá esakinan mas ku bo persona. Bo no ta duna pèrmit pa usa bo datonan pa investigashon sientífiko? Hasta ku bo no a duna pèrmit pa usa bo datonan bo por partisipá na e skrinen di poblashon.
Término pa konservashon
Kuantu tempu por warda dato i material biológiko ta dependé di kada investigashon òf sorto di dato. Nos ta pone nan bou di otro:
Bo datonan personal
Nos ta tene nos na un término standart di konservashon di Wet op de Geneeskundige Behandelovereenkomst (WGBO) i nos ta konservá bo datonan pa 20 aña. Despues bo datonan ta wòrdu destruí
Mamogram (skrinen di kanser na pechu)
Fundashon Mariadal Bonaire i Sint Maarten Medical Center ta sòru pa warda e mamogramnan na un manera seif. Nan ta wòrdu wardá pa un periodo di 3 serie di skrinen (3 biaha 2 aña). Esaki ta e mesun término pa konservashon ku na Hulanda Europeo. Despues e mamogramnan ta wòrdu destruí.
Material biológiko (skrinen di kanser na boka di matris)
Despues di tèstmentu ta keda material biológiko (sélula). E laboratorio ta warda e material akí tres luna pa kontrolá i mehorá kalidat di e programa di skrinen. Despues ta destruí e material.
Na momentu ku haña HPV durante e tèstmentu, ta usa e material biológiko pa traha un preparado di dje (e sélulanan for di e boka di matris ta wòrdu tratá i representá di tal manera ku por wak e via un mikroskop). Den laboratorio un investigadó ta wak si tin sélula desviante tambe. Ta warda e preparado 20 aña.
Ta importante ku despues por investigá un preparado di nobo. E ora ei por determiná si na promé instante kisas no a wak sierto desviante.
Material biológiko (skrinen pa kanser di tripa)
Despues di tèstmentu ta keda material biológiko (sélula). E laboratorio ta warda e material akí (sushi) algun dia pa kontrolá i mehorá kalidat di e programa di skrinen. Despues ta destruí e material.
