Skrinen di poblashon pa kanser na boka di matris

Si nunka bo ta tin interkambio seksual, e chèns ta chikitu ku bo tin un infekshon di HPV. E riesgo di un posibilidat pre-kanseroso òf kanser na boka di matris ta masha chikitu.
Si tog bo ke hasi un pap-tèst, bisá bo dòkter òf enfermera ku bo ta virgen. E dòkter òf enfermera lo tuma esaki na konsiderashon dor di usa un speculum; un instrumento chikitu di plastic, durante e tèst.

No e matris no por wòrdu afektá. E dòkter òf enfermera ta usa un speculum, un instrumento chikitu di plastic, ku no ta yega mas aleu ku e vagina.

HPV ta e abreviashon di Vírùs Humano Papilloma. E ta e vírùs ku por kousa kanser na boka di matris.

Si, HPV ta wòrdu transmiti via sèks. E vírùs ta mashá kontagioso: 80 di kada 100 hòmber of muhé ku ta seksualmente aktivo, ta wòrdu infektá ku e vírùs. Esaki ke men ku 80% di e hòmber- of muhénan lo keda infektá un dado momento den bida. E vírùs mayoria biaha ta wòrdu deshasí dor di e kurpa mes.

Bo lo no ripará ku bo ta infektá ku HPV (Vírùs Humano Papilloma). Mayoria di infekshon di HPV no ta kousa síntomanan i ta kita di nan mes.

Bo por wordu kontagiá ku HPV (Vírùs Humano Papilloma) door di tin sèks of tin kontakto seksual ku un persona ku ta infektá. E vírùs ta riba of rondó di e penis of vagina.Durante ku ta hasi sèks ku otro, e vírùs por plama su mes pa otro kaminda. Por ehèmpel riba e mannan i den e boka.

Bo por redusí e riesgo pa haña un infekshon di HPV dor di:
-Usa un kondon di latex, kua ta redusí e transmishon ku 70%.
-Redusiendo e kantidat di partners ku bo tin sèks kune.
-Ta den un relashon seksual mutuamente 

Bo kurpa kasi sèmper mes ta desasí di e vírùs. E kurpa ta tuma mas of menos 2 aña pa deshasí di e vírùs kompletamente. Tin biaha bo kurpa no por deshasí di e vírùs na un manera apropiá. Bo lo keda infektá pa un tempu mas largu i tin un chéns mas grandi pa haña kanser na boka di matris.

No, no tin remedi kontra di HPV. Bo kurpa mes tin di deshasí di e infekshon.

Normalmente, den 2 aña e kurpa ta deshasí di HPV. No tin remedi of tratamentu pa deshasí di HPV. E chéns ku HPV ta kousa kanser na boka di matris ta menos ku 1%.

Si e sélulanan den e boka di matris kambiá, bo por eksperensiá lo siguiente sintomanan:

• sangramentu durante of despues di sèks
• sangramentu post-menopousa, por ehèmpel si bo no ta tin bo menstruashon pa mas ku 1 aña
• sangramentu entre bo menstruashonnan
• sleim abnormal di bo vagina

No, esaki no ta posibel. Si tin sanger den e tèst, esaki no por keda analisá adecuadamente.

Bo lo no tin di partisipá, si bo ta tin un operashon na bo matris. Esaki ta dependé si bo matris tambe a wordu kitá. Si bo tin e boka di matris ahinda, un tèst lo ta bon. Si bo tin duda, por fabor puntra bo dòkter di kas.

Si, pasobra despues di bo menopousa tambe bo por haña kanser na boka di matris. Bo lo risibí un invitashon pa e skrinen di poblashon pa kanser na boka di matris te ku bo 60 aña.

Si bo ta na estado of a kaba di duna lus, ta mihó no partisipá na e skrinen. Un tèst durante embarazo por kousa molestia i pérdidá di sanger. Si bo no tin keho, ta mihó bo warda te despues di e embaraso.
Si bo ta sinti kualke keho, manera un perdida di sleim abnormal of sangramentu diripente despues di sèks, tuma kontakto ku bo dòkter di kas. E dòkter por hasi un tèst. Esaki por hasi durante e embaraso i no ta dañino.
Bo por partisipá na e skrinen di poblashon pa kanser na boka di matris for di 6 siman despues di duna lus.

Nos ta rekomendá bo pa tuma kontakto ku bo dòkter di kas.

Ora ku e sélulanan di HPV no a wordu deshasí door di e kurpa, esaki por bira sélulanan abnormal i den kanser na boka di matris? Normalmente esaki ta tuma di 10 pa 15 aña. Investigashon a demostrá ku hasiendo un tèst tur aña no ta nesesario.