Skrinen di poblashon pa kanser na tripa

Kanser na tripa ta un di e kansernan di mas komun. Ku e skrinen di poblashon pa kanser na tripa nos por detektá kanser trempan, asta promé ku un hende haña problema di salú. Mas trempan nos detektá e kanser na tripa, mas grandi e chèns ta ku e tratamentu lo ta eksitoso. E tratamentu hopi biaha ta ménos pisá tambe e ora ei. I si nos detektá esaki den un fase trempan, por asta prevení kanser na tripa.

Tur hende hòmber i hende muhé di 55 te ku 75 aña ta haña un invitashon pa partisipá. Den e edatnan akí kanser na tripa ta mas komun. Kada pasa 2 aña bo ta haña un invitashon pa partisipá. Si bo no haña invitashon, pero bo ta kai den e grupo di edat akí sí i bo no ta bou di tratamentu pa kanser na tripa, por fabor tuma kontakto ku nos.

Registrá pa e skrinen

E tèst den 4 stap

1. E invitashon

Bo ta haña un invitashon via pòst pa partisipá na e skrinen di poblashon. Despues bo por yama, app òf e-mail pa nos por registrá bo. Despues di registrashon bo por pasa buska un tèst di sushi na Bonlab (Playa òf Rincon). No lubidá di trese: sédula

2. Tèst di sushi

• lesa e instrukshonnan • usa e tèst di sushi • entregá e tèst na Bonlab denter di 2 dia despues ku bo a hasi e tèst

3. Saminashon den laboratorio

Bonlab ta manda e sushi pa un laboratorio na Kòrsou. Ei ta saminá e sushi.

4. E resultado

Denter di 2 siman abo i bo dòkter di kas ta risibí e resultado.

Skrinen di poblashon pa kanser na tripa

E tèst den 4 stap

1. E invitashon

2. Tèst di sushi

3. Saminashon den laboratorio

4. E resultado

Preparashon pa e kuido di siguimentu

Downloads

Sigui nos